بسم الله 

 

محبي الباذنجان تعالوا هنا بتعجبكم التدوينة.

اليوم جايبة لكم طريقة عمل حمسة الباذنجان تنفع فطور وتنفع عشا برضو .

تاكلونها بالخبز ولا أحلى، وبرضو طريقتها سهلة طبقتها بسناب ووثقتها باليوتيوب وأكتبها لكم هنا عشان ترجعون لها وقت ماتحبون..

المقادير: 

3 حبات باذنجان.

حبة بصل متوسطة.

حبة فلفل حار. 

3 فصوص ثوم .

بقدونس للتزيين.

 

مقادير الصوص:

3 ملاعق صويا صوص معتدلة أو كيكومان.

ملعقتين دبس رمان.

ملح.

فلفل أسود.

بهارات إيطالية.

بابريكا.

 

الطريقة:

• نقشر الباذنجان ونقطعه مكعبات ونصب عليه زيت زيتون عشان ماينشف، ونقليه في جهاز الفيلبس درجة حرارة 180 على 10 دقايق مع التقليب المستمر كل 3 دقايق تقريباً.

 

• نقطع البصل صغار أو جوانح ونحمسه بزيت زيتون ثم نحط الثوم والفلفل وبعد مايتغير لون البصل نحط الباذنجان والصوص نحركه لما يتشربه ويتسبك شوي وبعدها نحطه بصحن التقديم ونزينه بالبقدونس وبالعافية.

طريقة عمل الحمسة من قناتي باليوتيوب:

 

وبس