بسم الله 

 

مين مايعشق الشاورما بس؟ خصوصا إذا مليااااانة ثوم ()

طبق اليوم شاورما دجاج وثومية خطيرة 

 

 

مقادير وطريقة الشاورما: 

 

 

 

 

 

صدرين دجاج مقطعة شرايح.

• نتبلها بالآتي:

ملعقتين خل.

عصير ليمونة.

علبة زبادي.

بودرة بصل.

2 فص ثوم مهروس.

ملح.

ملعقة صغيرة فلفل أسود.

• نخليها بالتتبيلة يوم كااااامل (أنا سويتها بنفس اللحظة لأن ماعندي وقت وماطلع الطعم اللي أبغاه)
•  حطي الدجاج ع التاوة وقلبي فيه لما تنشف مويته ويستوي ولاتنسين رشة من بهار الدجاج مثل اللي بالفيديو تحت.
• اقلي بطاطس، قطعي مخلل شرايح وجهزي صلصة الثوم، حطيهم بالخبز العربي يفضل الصغير وبالعافية عليكم.

 

مقادير وطريقة صلصة الثوم:

• بالخلاط:

حبة بطاطس متوسطة مسلوقة نص سلقة.

5 فصوص ثوم.

بياض بيضة.

ملعقة صغيرة ملح.

نصف فنجان زيت.

عصير نصف ليمونة.

• تخلط جيداً بالخلاط ثم تصب في زبدية صغيرة وتقدم مع البروستد أو تدهن في الشاورما، وبالعافية.

 

طريقة عمل الشاورما وصلصة الثوم من قناتي باليوتيوب:

وبس