بسم الله
فيه أطباق يسوونها أمهاتنا وتعلق بذاكرتنا للأبد () ويمر فينا الوقت وتجينا الرغبة نرجع نسويها ونذوق طعم الماضي معها ()
طبق اليوم صينية الدجاج بالبطاطس والكوسة، أحد أطباق أمي اللي ماأنساها
كانت تسويها لنا وتقطع الخضروات قطع صغيرة وتزيد من الصوص والدجاج عشان يخفي نكهة الخضار اللي مانحبها () يارب أمي وأمهاتكم في الفردوس الأعلى يارب..
المقادير تكفي: 3 أشخاص
المقادير:
2 بطاطس مقطع مكعبات صغيرة (مقلي بالزيت أو بآلة الفيلبس).
2 كوسة مقطعة مكعبات صغيرة (مقلي بالزيت أو بآلة الفيلبس).
نصف دجاجة مسلوقة ومنتفة بإمكانك استبدالها بصدور الدجاج.
بهارات إيطالية.
ملح.
قشطة.
4 حبات جبن مثلث أو ملعقتين جبن سايل.
ماجي أو بهارات الشيف باول للباستا والبيتزا.
جبن موزاريلا للوجه.
الطريقة :
- نقلي الخضار بالزيت أو بآلة فيلبس ثم نملحها ونرش عليها بهارات إيطالية.
- نسلق الدجاج وإذا استوى نخليه يبرد شوي ثم ننتفه ونرش عليه شوي من بهارات الدجاج.
- في الخلاط: القشطة والجبن وبهارات الشيف باول.
- بصينية بايركس: الخضار والدجاج ونصب فوقهم الصوص اللي بالخلاط، ثم نرش ع الوجه موزاريلا وندخلها الفرن من فوق عشان تتسبك مع بعض ويذوب الجبن، وبالعافية
طريقة عمل الصينية من قناتي باليوتيوب:
وبس
الرؤى 