بسم الله 

 

ننتقل من الأطباق الإيطالية إلى طبق من مطعم فرنسي مشهور ( مطعم إنتركوت l’Entrecôte )ومحاولة لمحاكاة الطعم والتقديم ..

 

طبق اليوم ستيك بالصوص الأخضر 

 

 

المقادير:

شريحة لحم بقر ( من الخاصرة) أنا أشتريها من التميمي ( لاتاخذ من الثلاجة! خذ من اللي عنده يقطعه لك هو)

 

 

ملح البحر.

فلفل أسود مجروش مو مطحون طحن ناعم!.

بهارات الستيك من الشيف باول

 

روزماري طازج.

فطر طازج (الفطر مايغسل نظفوه عن طريق تقشيره وقطع الجزء السفلي وامسحوه مسح).

بقدونس مفروم .

كزبرة مفرومة .

فصين ثوم.

حبة بصل.

نصف إصبع زبدة.

كريمة طبخ.

كزبرة ناشفة.

خردل ديجون.

حبة ماجي مذوبة في نصف كوب موية حارة

الطريقة :

• نقطع الستيك من النصف عشان يصير شريحتين رقيقة، ونحط عليها بهارات الستيك وملح وفلفل أسود وعودين روزماري.
• نحمس البصل والثوم مع ربع أصبع زبدة، نضيف البقدونس والكزبرة،نضيف ربع عود روزماري وفلفل أسود وكزبرة ناشفة، نضيف الفطر بعد التنظيف والتقطيع ونخليه ع النار يتحمش، نضيف ملعقتين من خردل ديجون، نضيف الماجي المذوب ونحرك المكونات تختلط ، ثم نتركه يتسبك ، بعدها نخلطه بالخلاط ونرجعه للقدر ونضيف له تقريباً نصف علبة كريمة الطبخ الصغيرة أو لحد ماتوصلون للقوام المناسب.
• نجيب شرايح الستيك ونحطها بالمقلاة المذوب فيها زبدة ونحطها على كل وجه 3 دقايق فقط مع تغطية المقلاة، اللي مايحبها ميديم يزيد عدد الدقايق بس كلما زدتوا الوقت كلما صارت أقسى، بعدها تحطونها في قصدير دقيقتين تقريباً ثم حطوها بصحن التقديم وقطعوها شرايح صغيرة نفس طريقة المطعم وصبوا فوقها من الصوص وعلى جنب بطاطس مقلي وبالعاااافية 

 

طريقة عمل الستيك من قناتي باليوتيوب:

https://www.youtube.com/watch?v=s1KFdaRzOoc