تمر بموقف صعب، صدمة قوية، كلمة سيئة من شخص تحبه!
تتجمد من الصدمة ثواني تستوعب!
يغلي الدم بعروقك وينفجر راسك!
تبدأ بسيل من الكلام والملام والعتاب
تجلس لوحدك منهار تفكر مليون مرة باللي صار ! وليه صار!
تبكي لما تجف دموعك من كثر البكا !
القولون يثور ويتعبك!
يجافيك النوم!
تروح من بكرة لدوامك معصب ومو طايق أحد !
مجهد من التفكير والبكا والسهر!
أقل كلمة من أي زميل تخليك تنفجر وتفلت أعصابك وتبدا تغلط عليه! الكل حولك يناظرك مستغرب من تصرفك وغلطك ، وممكن تخسر زميلك بعد !
طيب عشان مين؟ وعشان إيش ؟
هل إنت راضي بالحالة اللي وصلت لها؟ هل استفدت؟
لا طبعاً
خسرت صحتك!
نفسيتك!
زميلك!
وقتك!
وأخيراً جهدك !
طيب ليه مانرجع ورى شوي وننهي الموقف من بدايته! مانسمح له يأثر فينا هالتأثير! أو ع الأقل نخفف من تأثيره!
صعب؟ لأ مو صعب
كيف؟ بالتعود، كل مرة يصير لك شي حاول تمسك نفسك من العصبية ولو عصبت لا تترك الموقف ياكل ويشرب معك وتترك كل أشغالك تفكر فيه أو حزين عشانه ..
انتهى الموقف؟ قوم على طول لشغلك أو مارس شي تحبه! روح النادي ، كفي شوب، قابل أصحابك، اجلس مع أمك، كمل شغلك، فكر بأفكار جديدة مفيدة لك أو لغيرك واعمل عليها أو انشرها، بس انتبه تجلس بس تفكر وتحلل الموقف وتخليه يخرب يومك ويأثر على اللي حولك لأنك ماراح تستفيد بالعكس راح تخسر ..
يوم لطيف أتمناه لكم
وبس
الرؤى 