هلا وغلا بكل من سيّر علينا
اليوم طبقنا عبارة حلا سهل، تدخلين البقالة، تقشين الأغراض، تفتفتينها فوق بعض وتدخلينه الفرن يتحمر بس ..
الكمية تكفي: صينية مستطيلة صغيرة.
المقادير:
1 باوند كيك أمريكانا بنكهة الشوكولاتة.
1 بسكوت داجستف.
5 شوكولاتة جالكسي واللي تحبها غرقانة مرة تزيد.
شوي حليب للي تبغى الشوكولاتة تصير سايلة.
كيسة مارشملو (خدود بنات حسب تسمية الطيبين أو حلوى الخطمي لمدمنات الأفلام ههه )
الطريقة:
- نفتت الكيك باليد ونحطه بالصينية بدون مانرصه.
- نفتت البسكوت باليد ونحطه ع الكيك.
- في حمام مائي نذوب الجالكسي للي تبغاه سايل أضيفي شوي حليب سايل بيتجمد شوي بس مع التحريك المستمر بيرجع يسيل أكثر من قبل (اللي تبغى قوامه العادي لاتضيف حليب بس تكثر جالكسي مرة ).
- صبي الشوكلت ع الكيك وحاولي تخلينه يدخل جوا الكيك.
- صفي المارشملو ع الوجه ثم دخليه الفرن من تحت نار هادية مرة شوي وسكريه ومن فوق لما يتحمر . وبالعافية.
طريقة عمل الحلا من قناتي باليوتيوب:
https://www.youtube.com/watch?v=aoym7imVcmw
وبس
الرؤى 