بسم الله
ننتقل إلى الصين ومع طبق لذيذ وسهل وخفيف ، طبعاً كثير إذا سمعوا (طبق صيني) ينحاشون مايبغونه يقولون حالي والا حامض وحار ووو …الخ لذلك عزيزتي الزوجة لاتعلمينهم باسم الطبق إلا بعد مايشبعون عشان مايطلعون فيه مليون علة أو انهم مايتقبلون يذوقونه D: ..
طبق اليوم مكرونة صينية بالدجاج
الكمية تكفي: 4 أشخاص
المقادير:
نوع النودل أعواد صينية نفس الموجودة بالفيديو تحت تشترينها من بندة بـ 4.5 ريال سعودي فقط لا غير (مو تسوين طريقتي هذي بالاسباقيتي خطأ ! )
ملح .
فلفل أسود مجروش مو مطحون طحن ناعم!.
فصين ثوم.
حبة بصل شرايح.
زيت زيتون لحمس البصل والثوم.
الخضار اللي تحبين ( جزر، كوسة، فلفل أخضر بارد، ملفوف …الخ)
صدر دجاجة مقطع شرايح.
3 ملاعق أكل صويا صوص كيكومان.
ملعقتين أكل صويا صوص معتدلة.
غطا العلبة خل أبيض.
سيراتشا صوص حسب الرغبة.
الطريقة :
- نسلق الخضار بموية وملح وفلفل أسود ويفضل مانخليها تستوي بشكل كامل عشان ماتتكسر علينا لما نضيفها للدجاج والنودلز.
- نحمس البصل والثوم مع زيت زيتون وشرايح الدجاج، نضيف الصوصات (خل وكيكومان والصويا المعتدلة والسيراتشا) والملح والفلفل الأسود ونخليها شويتين ع النار ثم نضيف شوية موية مغلية أقل من البيالة حتى.
- نجيب الأعواد الصينية ونضيفها ع الدجاج ونحركها عشان تتشربها الموية والصوص وتلين شوي ويسهل تحريكها ثم نضيف الخضار بعد ماصفيناها من الموية ونحركهم كويس حتى يختلط الصوص مع المكونات ونسكر القدر ونخليها تطبخ لما تستوي وبالعاااافية
طريقة عمل المكرونة بالفيديو من قناتي باليوتيوب:
الرؤى 