بسم الله
طبقنا لذيذ وخفيف وسهل، ومافيه أحد مايحبه ()
طبق اليوم: شيش طاووق
الكمية تكفي: 4 – 5 أشخاص
مقادير التتبيلة (تخلط مع بعض) :
ملح .
ملعقتين كبيرة بابريكا.
ملعقة كبيرة بهارات الدجاج للشيف باول.
رشة بهارات دجاج جبتها من آيهرب.
رشة فلفل أسود
3 فص ثوم مفروم.
ثلث كوب زيت زيتون.
علبة زبادي.
ملعقة كاتشب أو صلصة طماطم.
عصير ليمونتين وإذا تحبون نطاعة خلوها 3 مثلي.
المقادير:
3 صدور دجاج ساديا
حبتين بصل للسيخ مقطعة أرباع ثم كل ربع يقسم بالنصف.
فلفل بارد مقطع للسيخ حسب الرغبة
أسياخ خشب
تاوة أو صاج أو فرن.
للتزيين:
بصل أبيض
سماق
عصرة ليمون
بقدونس
عند التقديم:
رز أبيض أو حمص وخبز وبطاطس مقلي.
الطريقة :
- نقطع صدور الدجاج مربعات ونتبلها أقل شي ساعة ساعتين، أنا خليتها 3 ساعات وتشربت النكهة بشكل كافي.
- نصفها بالأسياخ بالترتيب (بصل، دجاج، فلفل بارد، دجاج، بصل وهكذا ) أفضل السيخ 4 قطع دجاج لسببين اللي ياخذه يكمل أكله مايرمي الباقي وبرضو عشان يستوي السيخ بشكل أسرع.
- نسخن التاوة أو الصاج أو الفرن ونصف الأسياخ حسب اختيارنا لطريقة الطبخ، أنا اخترت تاوة ودهنتها بشوي زيت زيتون وبعد مااحتمت صفيت 4 أسياخ مع التقليب المستمر والنار ماتكون عالية مرة ولا هادية مرة وسط عشان يستوي من جوا ومن برا، بعدها ناخذ الأسياخ ونصفها ع الخبز بصحن التقديم ونزينها حسب الرغبة، وبالعاااافية
صور وفيديو للنتيجة النهائية للطبق:
وبس
شكراً رؤى طريقه سهله وشكلها لذيذ👍
إعجابإعجاب
عفواً ،، وبالعافية يارب 😍
إعجابإعجاب
شكرااا روى جاري التجربه وبدعي لك ❤️😍
إعجابإعجاب