حيّاكم الله
تقرير اليوم لمحبي الحلويات والقهوة ، مقهى أطياف الكيف.
سبق رحت له بأول فرع له بدعوة من صاحبه السعودي واللي فكرته أنه كل العاملين بالمقهى سعوديين فقط، هالمرة زيارتي له في فرع مخرج 27.
طلباتي :
- بان كيك تربل 10 / 10
- إليزيه تشوكلت 5.5/ 10
- موكا فرابي( ماأقدر أقيمه لأني ماأحب هذا المشروب بس ماكنت قادرة أطلب مشروبات ساخنة )
مميزاته وسلبياته:
- مسموح دخول الأطفال.
- الجلسات حلوة للي يحبون الخصوصية كأنك جالس بغرفة.
- طريقة تقديم الأكل مرتبة.
- الخدمة ممتازة..
- السعوديين العاملين فيه يشتغلون بطيب نفس وروقان وودودين مع الأطفال
- بخصوص إن أسعاره مرتفعة شوي مثل ماعلقوا الموجودين عندي بسناب؛ تواصلت مع صاحبه وذكر لي إنه فيه فرق بين المقهى اللي عمالته أجنبية واللي سعودية لأن راتب السعودي دبل.
تقييمه في الفورسكوير: 7.7
تقييمي له : 7.5 من 10
موقعه: أكثر من فرع ، مخرج 27 ومخرج 10 وحي الربيع.
يحتاج حجز: لا.
وهنا التقرير مصور مع الفاتورة من قناتي في اليوتيوب:
https://www.youtube.com/watch?v=FwSoQzfE-Zg&t=3s
وبس
الرؤى 